ISBN ТАҒАЙЫНДАУ ТУРАЛЫ

ЖАДНАМА

(ҚР СТ 994-2012 СИБИД Халықаралық стандартты кітап нөмірі. Баспалық рәсімделуі және қолданылуы

ISBN нөмірін алу ережесі

1.Кітап басылымына ISBN тағайындау басылым үшін авторға авторлық құқық беруде заңды негіз болып табылмайды.

2.Белгілі басылымға немесе жарияланымға авторлық құқық сотта дәлелденеді.

3.ISBN тіркеу нөмірі басылым мәтінінің мазмұнына жауап бермейді.

4.Басылым (жарияланым) мәтінінің мазмұнына автор немесе оны шығарушы баспагер жауапты.

5.ISBN алу үшін баспагер Қазақстанның «ISBN Тіркеу агенттігіне» кітап басылымының әрбір жарияланымы бойынша қажетті ақпаратты жолдайды.Басылымның шығу мәліметі СТ РК 2383-2013» Басылым. Шығу мәліметі» қара Қосымша 1 сәйкес болуы тиіс.

6.Баспа немесе шығарушы мекемелер «ISBN агенттігі» ҚҚ  тіркеу және ISBN нөмірін алушы заңды тұлғалар үшін  қара Қосымша 2.

7.Жеке тұлғалар үшін ISBN нөмірін алу тәртібі қара  Қосымша 3.

Халықаралық стандартты кітап нөмірінің құрылымы басылымның шыққан тіліне қарамастан, бір-бірінен дефис арқылы бөлінген он үш араб санынан (0-ден 9-ға дейін), төменде көрсетілген бес элементтен, ISBN аббревиатурасынан тұрады.

 

ISBN нөмірін тағайындау

Халықаралық стандартты кітап нөмірі (ISBN): Баспагер мен кітап басылымын сәйкестендіретін, тиісті ISBN тіркеу агенттігімен берілетін халықаралық стандартты кітап нөмірі.

МЫСАЛЫ ISBN 978-601-232-545-4.

1.Әрбір кітап басылымына жеке ISBN тағайындалады.

2.Нақты кітап басылымына тағайындалған жеке ISBN өзгертілмейді, ISBN қате анықталған жағдайда да жаңасымен ауыстырылмайды, басқа кітап басылымында қолданылмайды.

3.Әртүрлі формада, әр тілде шыққан бірыңғай кітап басылымдарына (қатты, жұмсақ мұқаба, Брайл шрифті, шағын пішінді баспа басылымы, бағдарламалық қамтамасыз ету, аудиокітап, видео және онлайн электронды басылымдар) әртүрлі ISBN беріледі. Сонымен бірге, электронды басылымның әр пішімінде (мысалы, «.lit», «.pdf», «.html», «.pdb») жеке ISBN болуы керек.

4.Жеке ISBN мына жағдайларда тағайындалады:

- басылымының атауы өзгергенде;

-көрсетілгеннен басқа басылымның қандай да бір бөлігінде өзгеріс болған жағдайда;

 

7.Жеке ISBN мына жағдайларда тағайындалмайды:

 

-мазмұнына және пішініне өзгеріс енгізбей, бір баспагер шығарған басылымның қосымша тиражына;

-егер жарияланым қайта басылғанда өзгеріске ұшырамаса;

-басылымға аз ғана өзгертеулер енгізілген кезде (мысалы, жаңылыстар, орфографиялық және редакциялық қателер орын алғанда);

-басылым бағасы өзгерген кезде.

 

9.Жеке ІSBN мына басылымдарға тағайындалмайды:

 

-жалғаспалы серияларға (мысалы, сериялық басылымдарға, жинақтарда және сериялық басылымдардағы жеке жарияланымдарға);

-уақытша баспа материалдарына (мысалы, жарнамалық материалдар және т.б.);

-ноталық басылымдарға;

-кітап және журнал пішініндегі, мәтіні берілмеген бейнелеу басылымдарына, оның ішінде өндірістік өнімдер каталогтарына;

-жеке құжаттарға (электрондық түйіндеме және кәсіптік профильге);

-құттықтау ашық хаттарына;

-музыкалық және дыбыс жазбаларына;

-оқу немесе өндірістік-тәжірибелік болып табылмайтын бағдарламалық өнімдерге;

-оқу немесе өндірістік-тәжірибелік болып табылмайтын бейнелеу басылымдарына;

-хабарландырулардың электрондық тақтасына, электрондық корреспонденцияларға;

-ойындарға;

-бланкілер, мақтау қағазы, толтыру формаларына, затбелгілер мен басқа сәйкес өнімдерге;

-белгілі бір ұйымның қызметкерлеріне таратуға арналған қызмет құжаттарына;

-ISBN берілген, жарыққа шыққан кітаптар мен шығармалардың жекелеген бөліктеріне;

-оқу жоспарлары мен бағдарламаларға, берілген оқу орнының тыңдаушылары арасында таратуға арналған әдістемелік материалдарға;

-диссертациялардың авторефераттарына;

-патенттерге.